其實做區議員, 要上位都唔係好易.. 呢幾年, 新的發展趨勢係
大學畢業、專業人仕、通識、智慧、實幹型、最好有政黨背景支持、口才好、人緣、懂宣傳
與傳媒搞好關係...... 都真係唔係話好容易發掘到新的明日之星.... 香港人對政治冷感，經濟係首要條件... 再講... 沒有好的政治環境，健康的民意基制，有利的諮詢架構，有能力的政治人材.. 香港又點可能進步？
那你們認為我們需要什麼樣的人材？
開徵銷售稅，由唐英年司長提出。係呢個時候搞呢d野，當然上層下層市民都不會贊成。對商業社會的香港，做生意唔係容易，任何產品都要開稅,這不是增加成本減低收入。下層呢，買咩都要俾稅..... 何來在無加薪又通脹情況俾多d錢啫...
好喇，曾特首過程中，又好似無特別開腔撐唐司長喎...... 究竟，係再選特首，又話有陳方女士的參與過程，曾特首夠唔夠力量呢？或者，背後的智囊一早set 好呢個格局，擺唐司長上枱...... 到時，曾特首咪好人一句，唔開銷售稅，全民皆認為佢體恤民心...
究竟銷售稅是福是禍？
呢排新聞熱哄哄，何俊仁被扑頭，我地個黨都討論緊邊個係幕後黑手，但係都學仁哥話，呼之欲出啦！但係一浪接一浪，某個好想親中的方向日報，好怕民主派趁勢抬頭，見到我地民意近排上升咁，即刻揾我地個中常委林子健黎做炮灰，話佢唔屈實習記者，見死不救顧影相。查實我地心照，佢地揾野黎講足三日，放到好似大件事，而將仁哥單事同巴士阿叔比。立法會議員當然係公職人員，光天化日被打，同巴士阿叔比，能一事同仁嗎？難道董建華被打，也要跟巴士阿叔同grade, 真搞笑！
之後，阿嬌單野，方向等傳媒又借勢怒打數子傳媒。好似佢地係最乾淨最公正的報導。當然啦，呢個機會，佢地等左好耐，何俊仁被打後，佢地擔心到要揾林子健出黎做新聞，證明無計可施。依家阿嬌事件，證明數子傳媒的低智，同時，造就了方向傳媒提高自己的氣焰。
一直以來，香港傳媒對娛樂圈報導採取的手法一直沒有道德標準，阿嬌解帶只是相比那些影露點、露低、x毛、啜、甚至闖女星酒店抄野等，這些存在住我們反思的問題？
傳媒的手法，偷拍的問題是怎樣？調查罪案是可行的，但是侵犯他人私癮卻要不得
近日，阿嬌事件，被一眾傳媒渲染，甚至指惹起民憤,有關事件，我感到偷拍藝人換衫，是實真的是不要得的行為，給應給予懲罰。
但事件，卻不斷被渲染，指全民共憤，但事實卻不然。很多網友質疑，甚至本區街坊，酒樓上，街市中，都不少人質疑有關行動是否過度？所謂不良傳媒，真的只有1傳媒？所謂偷拍的行動，真的只有一間雜誌而已？
那當初對劉嘉玲、黎明、側田呢？對女藝人高抄露點露底的相？港姐選舉個陣的泳衣透視？嚴淑明更衣露點被拍？蔡慧敏日光浴(私人地方), 與人酒店開房被針孔拍攝, 朱孝天與李冰冰等‥太多太多這些算偷拍嗎？
在這個時代, 偷拍風氣盛行，係因為市場需要？那為什麼市場會有這個需要呢？
我明白事件對阿嬌影響很深亦很同情她，同時，亦令香港人好好的思想，傳媒所揭示的，背後的動機係什麼呢？
今次對於只對1本週刊的攻擊，是否意味著其他雜誌所做的無錯？偷拍定義為何？
今天有評論很好「項莊舞劍，意在沛公」......
